?

Log in

No account? Create an account
Мы забылі, што такое небяспека. Абсалютная большасць нашых людзей "дзетароднага ўзросту" не бачыла вайны ці эпідэмій. Не бачыла бруду, антысанітарыі і недахопу чыстай пітной вады. У горшым выпадку іхнім сем'ям давялося пераехаць з вёскі на Гомельшчыне ў Менск пасля Чарнобыля. Дый яго мы бачылі толькі на карцінках. На нашых вачах не выміралі цэлыя вёскі ад хваробаў, якія цяпер урачы ўжо і забылі, як дыягнаставаць...
Нас разбэсціла гэтая адсутнасць пастаяннай небяспекі. І вось рэзультат - істэрыка вакол дзіцёнка, што не перанёс прывіўку. "Обожачкі, дзяржава ставіць на нашых дзецях эксперыменты!!!" - закрычалі людзі, якія жывуць у свеце, дзе ружовыя поні сяруць вясёлкай.
Так, дзіця памерла. І гэта трагедыя яго сям'і. Але вы, людзі, не разумееце дзьвюх простых рэчаў. Першае: нават калі яго прышчапілі бы ідэальнай найчысцейшай прышчэпкай, якая каштуе, як крыло ад самалёта - яно ўсё адно магло б памерці, бо гэта _індывідуальная_рэакцыя_арганізма. І другое: у вашым свеце ружовых поні ніколі не было сітуацый, калі памерла дзіця, брацік, сястрычка, бацькі і баба з дзедам, а потым прыехалі людзі ў спецыяльных строях і спалілі целы ў крэматорыі. І ўжо ніхто не крычыць "дзіця памерла", бо памерлі ўсе.
І, падаецца, менавіта такога света вы дамагаецеся: кіберсярэднявечча, дзе ўсе "вумныя" і чытаюць інцернеты, а вакол гараць вогнішчы з целамі хворых.
Ці вы хочаце, каб у вас вымер дзіцячы садок, у якім збяруцца дзеці такіх "сазнацельных" бацькоў, якія "не даюць дзяржаве эксперыментаваць з дзецьмі"? А потым будзе "кококо, урачы вінаватыя, бо не ўратавалі 50 дзетак ад хваробы, якой 50 год ужо ніхто не хварэў". А бацькі будуць ні пры чым, яны ж "не далі атруціць дзіця".
Замест таго, каб чытаць жоўтую прэсу, напісаную людзьмі, што хочуць грошай зарабіць на папулярнасці артыкула, і якія аніразу не разбіраюцца ў праблеме, лепей пачытайце кніжку па гісторыі медыцыны. А потым дастаньце калькулятар і палічыце, колькі жыццяў выратавалі гэтыя "эксперыменты". Сярод іх, хутчэй за ўсё, будзе і вашае жыццё - бо вашыя бацькі маглі выжыць дзякуючы прышчэпкам.
Людзі паміраюць кожны дзень - і дзеці таксама, і гэта натуральны працэс. Але вам выбіраць, будзе гэта адна смерць ці дзясяткі і сотні.
Вучыцеся, развівайцеся, знімайце ружовыя акуляры, і будзе вам шчасце. З любоўю, вашая Ведзьмаўна

вясельнае

Блін, хаця б недзе гэта трэба напісаць, але ў астатніх сацсетках мяне закідаюць бруднымі анучамі))
Ездзілі мы тут на выходных у Летуву на вяселле нашых знаёмых. Мерапрыемства ў Медынінкайскім замку, вайдзіла з Рамувы, усё чынна-благародна
А потым я раніцай, вылупіўшыся з шатра, назірала карцінку: наш самі-ведаеце-хто-нащальника аддае вянок, што быў на маладой учора, маладому. Я там ледзь не пакацілася ад рогату.
От вам і традыцыйнае вяселле :-D
Пісаць "нармальныя" пасты не хапае магчымасці, часу і цярплівасці, таму тупа флэшмоб :)))
Свае пары атрымала ад Ганначкі. Ганначка ставіць пытанні проста рабром
1. Роллтон или фуагра? - давядзецца абраць фуагру па прынцыпе "найменьшай дрэні"))))
2. Южная Корея или Северная? Нечаканы паварот. Скарея, канешне, спецыфічненькая, але лепей ужо Паўднёвая :)))
3. Утро или вечер? Вечар. Вечар онлі. Раніцы не люблю, з раніцы заўжды хочацца ўсіх забіць і самой забіцца. Але калі гэта якіясь 4 раніцы і ты кудысь/аднекуль едзеш - гэттта іншая размова :)
4. Остров или материк? Хм... а для чаго? Астравы - цікава, але жыць на востраве чамусь не хочацца
5. Свидание или дружеская посиделка? Страшнае пытанне))))) Я б разарвалася з такім выбарам :-D Таму зараз толькі сябры xD

Флэшмоб

ад волькі_з_болькава
Кіно ці тэатр? Рэдка, але тэатр. Кіно заўжды і дома паглядзіш, а тут аж адчуваеш сябе культурным :)
Фатаграфаваць ці фатаграфавацца? Мой мосх так і не засвоіў усе гэтыя вытрымкі і дыяфрагмы, так што цца :)
Цягнік ці машына? Вы што, толькі машына! Больш волі і ніякіх суседскіх шкарпэтак ;)
Швецыя ці Фінляндыя? Тут складаней) Ідэйна - Швецыя, але фінская прырода цікавіць больш
Ціхае ці гучнае? Ціхае. Для мяне гэта пытанне асабістай прасторы маёй/чужой. А свой вялікі гук на спевах гучыць ненатуральна

Каму пытанняў?)

Дуды

З дудамі ў мяне апошнім часам цікавыя адносіны.
Тое, што я ў нас тут аксакал-саксаул Карчоў і іншых Дудфэстаў - гэта зразумела.
Але вясной у маім жыцці з'явіўся Літы Талер, і стала складаней. Калі ты шмат часу бавіш з музыкамі - ты шмат слухаеш пра музыку і інструманты, страякі, імправізацыі і матэр'ял язычкоў пішчыкаў :) ты шмат слухаеш самой музыкі...
Паездка ў Познань агулам падарвала маю псіхіку: 4 дні слухаць амаль ТОЛЬКІ пра дуды - эта вам не эта.
Апошні цвік у вечка труны забіў пан Чумакоў. "А вось тэхнапайп, очынь раю пачаткоўцам".
Людзі, трымайце мяне, а то пад канец года замест радзімічаў будзе дуда о_О


Posted via m.livejournal.com.

па ўсіх франтах!
І працоўны фронт таксама ахоплены.
Не прайшло і году, як я працую на гэтым месцы. Месяц таму я даведалася, што з сакавіка пачну навучацца GMP, каб мець магчымасць удзельнічаць у інспекцыях. А сёння мне сказалі, што праз тыдзень іду навучацца да ВЭЖХістаў. У нас негалосна ё 2 касты: "проста аналітыкі" і "вэжэхісты". Другія лічацца спецамі высокага класу і маюць моцны аўтарытэт. Калі я прыходзіла сюды працаваць, мне далі зразумець, што мне такая перспектыва не свеціць...
А тут хоп!
А адказнасць там - капец...

Цэтлікі:

Кнігу падкінулі

Алексей Толочко. Очерки начальной руси.
Я, канешне, плюсую аўтару ў плане таго, што ранняя русь - гэта чысты гандаль і ніякай дзяржаўнасці. Але ў плане яго "нянавісці" да ПВЛ - не разумею. "Як аўтар мог апісваць падзеі праз 200 год?!" - Ну ёлкі, а як існавала ісландскае права? І нічога, жылі ж неяк ісландцы, з лагманамі-та...

Цэтлікі:

Акарына

Цяпер і ў маіх суседзяў (і тых, і тых) з'явіцца нагода мяне повбывать: я прыдбала акарыну і мяне нат вучаць на ёй граць. Сяджу адбіваю Базар :))))
Базар бальшой, ты ніпанімаеш... ;)

Цэтлікі:

Цяжка шмат ведаць

Вырашыла на свежую галаву/новыя веды перачытаць кніжку Дучыц "Касцюм жыхароў Беларусі 10-13стст".
Лепей бы я гэтага не рабіла.
Я, канешне, разумею, што "разлічана на шырокае кола чытачоў", але гэта ж звіздзец. Пасля кожнага выказвання хочацца спытаць "крыніца?". Палова кніжкі пабудаваная па прынцыпе "ну продкі ж не дуракі былі". Другая палова пабудаваная на тым, што акааазваецца, у нас ледзь не цэлыя шмоткі папазнаходжаны. І з вышыўкай, і з ластавіцамі, і з разрэзамі (!). А дакладна апісаныя тэкстыльныя знаходкі - гэта кавалачкі не больш за 10-15 кв.см, дрэннай захаванасці і невядомай лакацыі.
Ну як так? Як так можна пісаць? На Бабруйшчыне ў сажалцы выцягнулі цэлага латгада (верхняя кашуля з воўны, укатаная бронзавымі калечкамі). Хто-небудзь пра яго чуў? Мінімум тройчы згадваюцца ледзь не цэлыя сукенкі на цётках, з розных рэгіёнаў. Недзе яны апублікаваныя???...
Паходу, я рэальна вазьму проста карціначку радзіміцкай цёткі з яе кніжкі, і такую і збяру. Упрыгожанні падбяру па Багамольнікаву, каб адэкватнае спалучэнне было, а далей будзе трэшак. А чаму? А таму, што ў нас публікацыі на ўзроўні рэферата студэнта-першакурсніка... :(((

Гульня

Пагуляйце са мною, каліласка!) Ведаю, што тут не шмат народу бывае, але ж...
12 архетыпаў - 12 тыпаў знешнасці - 12 тыпаў стылю для такіх людзей. Зразумела, што чыстымі яны не бываюць (ці бываюць дужа рэдка), але збольшага аднаму чалавеку пасуе каля 3-4 з іх. Я глядзела гульні іншых людзей і мне падалося, што ў нечым гэтая штука такі працуе. Энівэй, цікава паспрабаваць :))
Вашая задача - прагледзець усе 12 калажаў і сказаць мне, у якія з іх я найбольш (ці найменьш - гэта таксама карысна) упісваюся :)
Першакрыніца тут http://hloflo.livejournal.com/887329.html і па тэгах там яшчэ можна шмат на гэную тэму знайсці :)))
Паехалі!
ЗЫ: тым, хто не зарэгістраваны ў ЖЧ, усё адно можна каменціць тут :)
Фоткі, нумары :)Collapse )

Паварот

Высветлілася, што пытанне выбракоўкі лек.сродка не толькі ў тэхнічнасці ці кампетэнтнасці, але і ў этыцы. Складана

Цэтлікі:

З Зарынай і Дзянісам учора здымалі чарговую троліху, зімовую :) Быў снег, адавы мароз, і "залацістае святло" (с)
Грэліся смехам, аццкай гарбатай са спецыямі і абдымашкамі.
Што і казаць, троліха атрымалася саўсім іншага гатунку: лайтовенька, рамантычненька, красівенька, кішкі ўва ўсе бакі не лятуць :) Затое быў цэлы жывы мужык, каторага можна было з'есці, і першы выхад у свет Дзяніса ў латгаДскім :) Фраза вечара: "у мяне ўжо вусы замёрзлі!" :)
Чакайце працягу і новых аватарачак :-D
УПД: бэцкстэйдж http://vk.com/wiedzmauna?w=wall6796500_28059%2Fall
і першае фота з "партрэтнай" лінейкітыцCollapse )

Перцівка

Паставіла прадукт для хайрыны: 200мл гарэлкі і 2 перчыкі чылі. Зараз першы прагон. Цікава, ці будзе якісь рэзультат :)

Трупаспаленне

Трупаспаленне - гэта, канешне, крута. Прамая дастаўка ў вырай з дымам, ачыстка ад любой дрэні (як у духоўным, так і ў чыста ўтылітарным сэнсе - зараза там розная), уражваючая падзея, псіхалагічна неабходная родным памерлага.
Але ж не паклапаціліся продкі пра сваіх нашчадкаў-рэканаў, не паклапаціліся...
:)

Новае ўсё!

Як і абяцала, закрыўшы ўсе пазыкі, пішу!
Хлопчыкі-дзяўчынкі, Ведзьмаўна такі пераехала на з'ёмны пакой, бліжэй да працы) Вельмі прыемна, ці ведаеце, мець асабістае гняздо. Вельмі прыемна мець там тыя рэчы, якія хочацца. Канешне, хапае і мінусаў :) Але гэта дапаможа развіць здаровы пафігізьм :))))
Адкрывалі Гняздо пасядзелкамі з Талерамі. А яны ў перадапошні вечар неяк ператварыліся з наваселля ў Йоль. Нават з вяпруком і падарункамі :) Таму фактычна цяпер мой пакой і ёсць памяшканнем менскага аддзялення, адчыненым з пафасам і гуслямі на Йоль)))
Як я і абяцала, мусіла аддзячыць Фрэйе за дапамогу. І гэта было, знаеце лі, дааа! Як выязджаць - пайшоў дождж і двойчы ламалася машына. Але мы не спыніліся! Йольская ноч, лес, дождж, вогнішча на святым месцы, словы, спевы і віно. Шчыра кажучы, такога шчэ ніколі не было! І я ўпершыню адчула, што мяне _пачулі_. Што і казаць, калі на наступны дзень я атрымала, што прасіла, ледзь не ў трайным памеры ;) (але гэта асоообная гісторыя)
Святочны марафон мусіў быць закрытым Куццёю ў Вівіанэ, але Дарыанаўна прыхварэла... Таму я нарэшце сплю і працую...
Усім светлых начэй!

Цэтлікі:

Апошні месяц

Жнв 2018
S M T W T F S
   1234
567891011
12131415161718
19202122232425
262728293031 

Цэтлікі

Syndicate

RSS Atom
Распрацавана LiveJournal.com
Designed by Tiffany Chow